டயட்டில் இருப்பவர்களுக்கு சத்தான செலரி சட்னி செய்வது எப்படி?

டயட்டில் இருப்பவர்கள் மட்டுமல்ல அனைவருக்கும் இந்த செலரி சட்னி ஆரோக்கியமானது.இன்று இந்த சட்னியை செய்வது எப்படி என்று பார்க்கலாம்.


தேவையான பொருட்கள் :

செலரி கீரை - அரை கட்டு,
நறுக்கிய கொத்தமல்லித்தழை, தேங்காய்த் துருவல் - தலா 2 டேபிள்ஸ்பூன்,
பச்சை மிளகாய் - 2,
பூண்டுப் பல் - 2,
தோல் சீவிய இஞ்சி - சிறிய துண்டு,
பொட்டுக்கடலை - ஒரு டேபிள்ஸ்பூன்,
கடுகு, உளுத்தம்பருப்பு - தலா அரை டீஸ்பூன்,
பெருங்காயத்தூள் - ஒரு சிட்டிகை,
சீரகம் - அரை டீஸ்பூன்,
கறிவேப்பிலை - சிறிதளவு,
எண்ணெய், உப்பு - தேவையான அளவு.

செய்முறை:

வாணலியில் எண்ணெய் விட்டுச் சூடானதும் பூண்டு, செலரி, கொத்தமல்லித்தழை, இஞ்சி, பச்சை மிளகாய் சேர்த்து வதக்கி இறக்கவும்.

இதனுடன் தேங்காய்த் துருவல், பொட்டுக்கடலை, உப்பு, சிறிதளவு தண்ணீர்விட்டு நைஸாக அரைத்து எடுக்கவும்.

மற்றொரு வாணலியில் சிறிதளவு எண்ணெய்விட்டு காய்ந்ததும் கடுகு, உளுத்தம்பருப்பு, சீரகம், பெருங்காயத்தூள், கறிவேப்பிலை தாளித்து சட்னியுடன் கலந்து பரிமாறவும்.

சத்தான செலரி சட்னி ரெடி.