Let's do if this kind of daily life will be free...

இந்த மாதிரி டேய்லியும் இருந்து பாருங்க மனசு Freeயா இருக்கும்...

மன அழுத்தம் தான் தலைமுடி உதிர்தல் பிரச்சினை தொடங்கி, மாரடைப்பு உள்ளிட்ட இதய நோய்கள் வரைக்கும் காரணமாக இருக்கிறது. இதை தவிர்க்க என்ன தான் செய்வது, மன அழுத்தம் வராமல் மகிழ்ச்சியாக இருக்க என்ன செய்ய வேண்டும் என்று புரியாதவர்கள் சிம்பிளான இந்த 8 எட்டு விஷயங்களைப் பின்பற்றுங்கள்.

​நல்ல தூக்கம்

மன அழுத்தம் இல்லாமல் இருக்க வேண்டுமென்றால் அதற்கு மனம், உடல் இரண்டுமே அமைதியாக இருக்க வேண்டியது மிக முக்கியம் .

மன அழுத்தம் குறைவாக உள்ளவர்கள் நல்ல ஆழ்ந்த தூக்க சுழற்சியை பின்பற்றுபவர்களாக இருப்பார்கள்.

ஒரு நாளைக்குக் குறைந்தபட்சம் 7-8 மணி நேரமாவது தூக்க சுழற்சி முறையைப் பின்பற்றுகிறவர்கள் மன அழுத்தம் இல்லாதவர்களாக இருக்கிறார்கள்.

​உணவுமுறை

எல்லா நிறங்களிலும் உள்ள விதவிதமான காய்கறிகளை், பழங்கள், முழு தானியங்கள் ஆகியவற்றை அதிகமாக எடுத்துக் கொள்வது,

சுத்தகரிக்கப்பட்ட உணவுகள், அதிகப்படியான காபி, ஆல்கஹால், சர்க்கரை சேர்த்த உணவுகள் ஆகியவற்றைத் தவிர்ப்பது,

என இதுபோன்ற ஆரோக்கியமான உணவுப் பழக்கத்தை பின்பற்றுகிறவர்களுக்கு கார்டிசோல் உற்பத்தி குறைவாக இருக்கும். மன அழுத்தம் இல்லாமல் மகிழ்ச்சியாக இருப்பார்களாம்.

​உடற்பயிற்சி

வாரத்தின் பெரும்பாலான நாட்கள் உடலை சுறுசுறுப்பாக வைத்திருக்க வேண்டும்.

தினமும் குறைந்தபட்சம் 30 நிமிடங்களாவது கடினமாக இல்லாவிட்டாலும் மிதமான அளவிலாவது உடற்பயிற்சி செய்கின்றவர்களுக்கு மன அழுத்தம் ஏற்படுவதற்கான வாய்ப்பு மிகக் குறைவு.

நேர்மறை சிந்தனை

எப்போதும் நேர்மறையான சிந்தனைகளைக் கேட்பது, நேர்மறையாக யோசிப்பது ஆகியவை பதட்டம் மற்றும் மன அழுத்தமின்றி வைத்திருக்க உதவி செய்யும்.

நேர்மறையாக சிந்திக்கும் போது பெரிய பிரச்சினைகளைக் கூட இலகுவாக எதிர்கொள்ள முடியும். இந்த தன்மை கொண்டவர்கள் மன அழுத்தம் இல்லாமல் இருப்பார்களாம்.

இலக்குகளை தீர்மானிப்பது

சிலர் தங்களால் முடியாது என்று தெரிகிற, தன் எல்லைகளைக் கடந்த சில விஷயங்களை பிடிவாதமாக குறிக்கோளாகத் தீர்மானிப்பார்கள். அது இன்னும் கூடுதலான மன அழுத்தத்தையே கொடுக்கும்.

ஆனால் தங்களால் முடிந்த நியாயமான முயற்சிகளைச் செய்பவர்கள், இலக்குகளை நிர்ணயிப்பவர்களுக்கு பெரிய குறிக்கோள்களை கூட நிதானமாக அடையும் பக்குவம் வரும். அதனால் தான் அவர்கள் மன அழுத்தம் இல்லாமல் இருக்கிறார்கள்.

​நல்ல நண்பர்கள் 

ஒருவரைச் சுற்றியுள்ளவர்கள் எப்போதும் தான் செய்யும் நல்ல விஷயங்களை ஊக்குவிக்கும் நபர்களாக இருந்தால், அந்த நபர் மன அழுத்தமின்றி மகிழச்சியாக இருப்பாராம்.

அதனால் உங்களைச் சுற்றி எப்போதும் பாசிடிவ்வான நபராக வைத்திருக்க முயற்சி செய்யுங்கள.

​ஓய்வும் தேவை

சுறுசுறுப்பாக வைத்துக் கொள்வது, எப்போதும் உழைத்துக் கொண்டே இருப்பது வாழ்க்கையில் உயர்வை உண்டாக்கும் தான். ஆனால் அதேசமயம் உடல், மனம் இரண்டுக்குமே ஓய்வு என்பது மிக முக்கியம்.

உடல் ஓய்வெடுக்க தூக்கம் எவ்வளவு முக்கியமோ அதேபோல மனம் ஓய்வெடுக்க வேண்டும். அதற்கு கொஞ்சம் எதையும் யோசிக்காமல் தியானம், இசை என்று இருந்தாலே மன அழுத்தம் இல்லாமல் இருக்க முடியும்.

​பொறுப்புகள் ஏற்பது

குடும்ப பொறுப்புகளாக இருந்தாலும் சரி, வேலையில் ஏதேனும் பொறுப்புகளாக இருந்தாலும் சரி, அதை தேர்வு செய்வதற்கு முன்பாக கவனமாக இருங்கள். அவசரத்தில் எடுக்கும் முடிவுகள் சிக்கலை ஏற்படுத்துவதோடு மன அழுத்தத்துக்கும் காரணமாகலாம்.

தங்களுடைய பொறுப்புகளை சரியாகத் தேர்ந்தெடுப்பவர்கள் மிக நிதானமாகவும் பொறுப்பாகவும் அதை நிறைவேற்றுவார்கள். அது அவர்களை மன அழுத்தம் ஏற்படாமல் பார்த்துக் கொள்ளும்.