Causes of heart attacks at a young age.

 இளம் வயதிலேயே மாரடைப்பு வருவதற்கான காரணங்கள்..

சமீபத்திய ஆராய்ச்சியின் படி 50 வயதுக்குட்பட்டவர்களுக்கு மாரடைப்பு அபாயம் அதிகரித்து வருகிறது. இது இளம் வயதினரிடமும் பிரதிபலிக்கிறது இது குறித்து தெரிந்துகொள்வோம்.

இளம் வயதில் மாரடைப்பு வருமா என்றெல்லாம் அசாதாரணமாக நினைத்த காலம் போய் இப்போது இளவயதிலும் ஹார்ட் அட்டாக் வரலாம் என்பதை உணர்த்தும் மரணங்களை கவனித்து வருகிறோம். அரிதாக இருந்த விஷயங்கள் இன்று இளைஞர்களிடையே பெருகி வருவதை பார்க்க முடிகிறது. வாழ்க்கை மூறை மற்றும் பிறவி இதய அசாதாரணங்களின் கலவையால் இளம் வயதினரிடையே அதிகரித்து வரும் ஹார்ட் அட்டாக் குறித்த காரணங்கள் குறித்து இந்த பதிவில் தெரிந்துகொள்வோம்.

​உடல் பருமனால் ஹார்ட் அட்டாக் வருமா?​

       ​உடல் பருமன் நேரடியாக மாரடைப்பு உண்டு செய்யாது. ஆனால் இதயத்துக்கு அதிக கொழுப்பு, உயர் இரத்த அழுத்தம் மற்றும் நீரிழிவு போன்ற பிற ஆபத்தான நிலைமைகள் உண்டு செய்யலாம். இவை அனைத்தும் தமனிகளில் ப்ளேக் உருவாக்கலாம். இதனால் மாரடைப்பு அபாயம் அதிகரிக்கும்.

இன்று இளவயதிலேயே உடல் பருமன் ஏற்படுவதை பார்க்க முடிகிறது. நேச்சர் ரிவியூஸ் கார்டியாலஜி படி 40 ஆண்டுகளில் உடல் பருமன் உள்ள பெரியவர்களின் எண்ணிக்கை 6 மடங்கு அதிகரிப்பதாக சொல்லப்பட்டுள்ளது.

நோய் கட்டுப்பாடு மற்றும் தடுப்பு மையங்களின் படி 20 வயதுக்குட்பட்ட பருமனானவர்கள் 40 -50 வயதுக்குட்பட்டவர்களின் எண்ணிக்கையில் பாதியாக இருந்தாலும் பாதிக்கும் மேற்பட்ட 56% இளைஞர்கள் பருமனாக உள்ளதாக தெரிவிக்கப்பட்டுள்ளது. இது அமெரிக்க மருத்துவ சங்கத்தின் ஜர்னல் ஆய்வு என்றாலும் நம் நாட்டிலும் உடல் பருமன் உடையவர்களின் எண்ணிக்கை அதிகரித்து கொண்டே போவதை பார்க்க முடிகிறது.

​

​அதிக கொழுப்பு ஹார்ட் அட்டாக் உண்டு செய்யுமா?​

                        ஆரோக்கியமான செல்களை உருவாக்க உடலுக்கு கொழுப்பு தேவை. எனினும் அதிகப்படியானவை மாரடைப்பு உண்டு செய்யலாம். இரத்த நாளங்களில் கொழுப்பு படிவங்களை உருவாக்கலாம். இவை அதிகரிக்கும் போது இதயத்துக்கு செல்லும் தமனிகள் வ்ழியாக போதுமான இரத்தம் செல்வது கடினமாகலாம். மேலும் வைப்புக்கள் தமனி சுவர்களில் இருந்து உடைந்து ஹார்ட் அட்டாக் உண்டு செய்யும் உறைவை உருவாக்கலாம். இளம் வயதில் அதிக கொழுப்பு இருந்தால் எதிர்காலத்தில் அதிக கொழுப்பு உருவாக்கும் நபர்களுடன் ஒப்பிடும் போது இவர்களுக்கான அபாயம் அதிகம். இளைஞர்களுக்கு வரக்கூடிய ஹார்ட் அட்டாக் பெரும்பாலும் அதிக கொழுப்பை கொண்டிருப்பதாலும் இருக்கலாம்.

​சர்க்கரை நோயால் ஹார்ட் அட்டாக் வர வாய்ப்புண்டா?​

                டைப்2 சர்க்கரை நோய் உள்ளவர்களுக்கு மாரடைப்பு வருவதற்கான வாய்ப்புகள் அதிகம். நீரிழிவு நோய் இருந்தால் நீரிழிவு இல்லாதவர்களை காட்டிலும் இளம் வயதில் இதய நோய் வருவதற்கான வாய்ப்புகள் இரண்டு மடங்கு அதிகம் என்கிறது நோய் கட்டுப்பாடு மற்றும் தடுப்பு மையங்கள். நீரிழிவு நோயுடன் தொடர்புடைய உயர் இரத்த சர்க்கரை இரத்த நாளங்களை . இதயத்தை கட்டுப்படுத்தும் நரம்புகளை சேதப்படுத்துவதே இதற்கு காரணம். டைப்2 சர்க்கரை நோய் வயதானவர்கள் என்பதை தாண்டி இன்று இளம் வயதினரிடையே பார்க்க முடிகிறது என்பது குறிப்பிடத்தக்கது. இவையும் ஹார்ட் அட்டாக் வருவதற்கு காரணமாக அமைகிறது.

இரத்த நாளக் கண்ணீர் என்னும் Blood Vessel Tears மாரடைப்பை உண்டு செய்யுமா?

         மாரடைப்புடன் வரும் இளம்பெண்களுக்கு கரோனரி தமனிகளில் உள்ள இரத்த நாளங்கள் பார்க்க முடிகிறது. இது தன்னிச்சையாக ஏற்படும் spontaneous coronary artery dissection என்று சொல்லப்படுகிறது. இதற்கு காரணம் சரியாக அறியப்படவில்லை எனினும் ஆண்களை விட பெண்களிடம் அதிகம் காணலாம். அமெரிக்கன் ஹார்ட் அசோசியேஷன் படி தமனி சுவரை உருவாக்கும் மூன்று அடுக்குகளில் ஒன்றில் இரத்தம் தேங்கிவிடுகிறது. இது உள்நோக்கி வீங்கி தமனியை அடைத்து மாரடைப்பு உண்டு செய்கிறது.

இளம் வயதில் ஹார்ட் அட்டாக் வர மனநல பிரச்சனை காரணமா?

                          இதய பிரச்சனைகள் மற்றும் மனநலம் இரண்டும் கைகோர்க்கின்றன. மன அழுத்தம், மனச்சோர்வு மற்றும் பதட்டம் ஆகியவை இளைஞ்ர்களிடையே அதிகரித்து வருகிறது. மன நல போராட்டங்களுக்கும் மாரடைப்புக்கும் இடையே உள்ள உறவு குறித்து அறிந்திருக்க வேண்டும்.

கொரோனாவுக்கு பிறகு மாரடைப்பு அபாயம் அதிகரித்துள்ளதா?

             2022 ஆம் ஆண்டு 15 ஆயிரம் பேரிடம் நடத்தப்பட்ட ஆய்வு ஒன்றில் ஆரம்ப நோய்த்தொற்றுக்கு பிறகு ஒரு வருடம் கழித்து ஒழுங்கற்ற இதயத்துடிப்பு, இதய செயலிழப்பு, வீக்கம் அல்லது மாரடைப்பு போன்ற இதய நிலையை உருவாக்கும் ஆபத்து உயர்ந்துள்ளதாக சொல்லப்படுகிறது. மேலும் கோவிட் 19 நோய் பாதிப்பு கொண்டவர்களில் 4% இதய சிக்கல்களை அனுபவிக்கலாம் என்று மதிப்பிடப்பட்டுள்ளது. நீண்ட காலம் கொரோனா தொற்று பாதிப்பு கொண்டிருந்தவர்களுக்கு இதய பிரச்சனைகள் வழிவகுக்கும் என்றும் சொல்லப்படுகிறது.

​இளவயதினருக்கு மாரடைப்பு அறிகுறிகள்​

                      இளம் வயதினருக்கு வரக்கூடிய மாரடைப்பு அறிகுறிகள் வெவ்வேறு நபருக்கு வித்தியாசமாக இருக்கும்.

மாரடைப்பு நம்பகமான அறிகுறி 

       மார்பு வலி. வலி பொதுவாக மார்பின் மையத்தில் அல்லது இடது பக்கத்தில் இருக்கும்.

         பல நிமிடங்கள் இருக்கும் மீண்டும் இயல்பாகும். பிறகு மீண்டும் வரும். சிலர் இதை அழுத்தம் அல்லது வலி என்றும் சொல்வதுண்டு.               சிலர் இதை ஆசிட் ர்ஃப்ளக்ஸ் என்றும் குழப்பி கொள்வதுண்டு.

       உடற்பயிற்சி நிலையில் இதய அறிகுறிகள் மோசமடையலாம்.

      அறிகுறிகள் மோசமடையும் வலி தாடை, கழுத்து அல்லது முகுது பகுதியில் பரவுகிறது.

       குறிப்பாக மார்பு வலி

      மூச்சுத்திணறல்

      தோள்பட்டை வலி

       பலவீனம் அல்லது தலைச்சுற்றல்

      விவரிக்க முடியாத சோர்வு

      குமட்டல் அல்லது வாந்தி

   ஆண்களை விட பெண்கள் அறிகுறி வித்தியாசமானதாக இருக்கலாம்.

 குளிர் வியர்வை

சோர்வு

இலேசான தலைவலி

குமட்டல் மற்றும் வாந்தி

மேல் உடலின் வெவ்வேறு பகுதிகளில் வலி அல்லது அசெளகரியம்

மூச்சுத்திணறல்​

​இளம் வயதில் மாரடைப்பு எப்படி தடுப்பது?​

இளம் வயதினருக்கு மாரடைப்பு வருவதை தடுப்பது சவாலானது. பெரும்பாலான நேரங்களில் அவர்கள் ஆபத்தாக இருப்பதை உணர்வதில்லை.

உடற்பயிற்சிக்கு முன்பு உங்கள் இதயத்தின் ஆரோக்கியம் செயல்பாடு பற்றி அறிய இதய நோய் சிகிச்சை மருத்துவரை அணுகி ஆலோசனை பெறுவது முக்கியம்.

நீரிழிவு, உயர் இரத்த அழுத்தம் போன்ற நிலை இருந்தால் அதை கட்டுக்குள் வையுங்கள்.

உணவு முறை வாழ்க்கை முறை ஆரோக்கியமானதாக இருக்கட்டும்.

சர்க்கரை, ட்ரான்ஸ் கொழுப்புகளை தவிர்ப்பது ஆரோக்கியமானது.

உடல் எடையை கட்டுக்குள் வைப்பது நல்லது. உடல் உழைப்பிலும் கவனம் செலுத்த வேண்டும்.