முதுகு வலி காரணங்களால் ஏற்படுகிறது. குறிப்பாக முழு நேரமும் கணினியில் தனிப்பட்ட நபர்கள், நீண்ட நேரம் வாகனம் ஓட்டு போடுங்கள் மற்றும் அதிக எடை தூக்கும் பணியில் ஈடுபடும் தொழிலாளர்கள் ஆகியோருக்கு, அடிக்கடி முதுகு வலி ஏற்பட்டு பாடாயப்படுத்தும்.
விபத்துகளில் அடிபட்டவர்கள், அறுவை சிகிச்சை செய்து கொண்டவர்கள், அதிக எடையுடன் காணப்படுபவர்கள் அனைவருக்கும் முதுகு வலி வந்து ஒரு வழி செய்துவிடும்.
தொடர்ச்சியாக உடலில் கடுகடுகடுவென வலி ஏற்பட்டு உயிரை வாங்கும். இது போன்ற உள்ளவர்களுக்கு வீட்டிலேயே முதுகு வலி நீங்க பாட்டி வைத்தியம் செய்து கொள்ளலாம்.
அது அப்போது ஏற்படும் போது வலியை குறைக்க உதவிடும்.
முதலில் சமதளமான தரையில் மல்லாக்க படுத்து முதுகை நேர் வசமாக வைத்துக் கொள்ள முயற்சிப்பது மூலம் முதுகு வலி குறையும்.
நாற்காலியில் உட்காரும் முறை
நாற்காலியில் உட்கார்ந்து பணி புரிபவர்கள் சரியான நிலையில் அமர்ந்து பணிபுரிவது அவசியம். தேவைப்பட்டால் கால்களுக்கு சிறிய ஸ்டூல் ஒன்றை பயன்படுத்தி கால்களை அதன் மீது வைத்து முதுகை நேராக இருக்கும் படி அமர்ந்து பணிபுரியலாம்.
- நீண்ட நேரம் அமர்ந்து பணி புரிபவர்கள் எழுந்து சென்று விட்டு வரலாம்.
- பணிபுரிந்து வீட்டுக்கு வந்த பிறகு முதுகுக்கு லேசான வெந்நீர் ஒத்தடம் கொடுத்திடலாம்.
- முடிந்த அளவிற்கு மிருதுவாக இருக்கும் பஞ்சு மெத்தை பயன்படுத்தாமல்,
- பாய் போட்டு கட்டந்தரையில் படுக்கலாம்.
- முதுகு தரையில் படும்படி நேராக படுப்பது முதுகு வலியை குறைக்கும்.
இளம்பெண்களுக்கு இடுப்பு வலி நீங்க:
நீங்கள் ஹைஹீல்ஸ் அணியும் பழக்கமுள்ளவர் என்றால், அதன் மூலம்கூட உங்களுக்கு இடுப்பு வலி ஏற்பட வாய்ப்புள்ளது. அதிக உயரமுள்ள குதிகால் உடைய செருப்புகளை அணிவதைத் தவிர்க்க வேண்டும்.
கை வைத்தியம்:
தேநீர்: தேவையான பொருள்கள்: மிளகு, கிராம்பு, சுக்கு.
முதுகு வலி அதிகமாக இருப்பவர்கள் 5 மிளகு, 5 கிராம்பு, 1 கிராம் சுக்கு சேர்த்து நீர் விட்டுத் தேநீர் செய்து தினமும் 2 வேளை குடித்து வந்தால் முதுகு வலி குறையும்.
எண்ணெய்: தேவையான பொருள்கள்: வெற்றிலை, தேங்காய் எண்ணெய்.
செய்முறை: வெற்றிலைகளை எடுத்துச் சாறு பிழிந்து தேங்காய் எண்ணெயில் கலந்து வலி இருக்கும் இடத்தில் தடவி வந்தால் இடுப்பு வலி, முதுகு வலி குறையும். வாதநாராயணன் இலையை விளக்கெண்ணெயில் வதக்கி ஒத்தடம் கொடுத்து வரலாம். வாதநாராயணன் இலை இடுப்பு வலியைக் குணமாக்கும். கொள்ளு பல பிரச்சினைகளைத் தீர்க்கும் இயற்கை உணவுப் பொருள். கொள்ளு ரசம் வைத்துக் குடிக்கலாம்.
ஆயுர்வேதத்தில் பரிசேக சிகிச்சை
தான்யாம்லத்தில் (காடி) தாரை சிகிச்சை செய்தால். இச்சிகிச்சை வலியிலிருந்து விரைவில் நிவாரணம் அளிக்கும்.
அப்யங்கம் (Massage)
கொட்டஞ்சுக்காதி தைலம், பஞ்சஸ்நேகம் குழம்பு, சிஞ்சாதி தைலம், போன்றவற்றைக் கொண்டு ஆயில் மசாஜ் செய்தால் நல்ல பலன் கிடைக்கும்.
உபநாக சிகிச்சை
இஞ்சி, பிற மருந்துகளால் பொடிக்கப்பட்ட பொடியை, புளிச்சாறுடன் கலந்து முதுகில் பற்று போடுவது சிறந்தது. ஆமணக்கு இலை, ஊமத்தை காய் அல்லது ஆமணக்கு விதையுடன் எள் சேர்த்து அரைத்துப் பூச்சு போடுவது நல்லது.
விரேசன சிகிச்சை
மலத்தைச் சுத்தி செய்ய நொச்சியிலை சேர்த்து காய்ச்சப்பட்ட ஆமணக்கு எண்ணெயும் ஆயுர்வேதத்தில் மிக முக்கியமானது.
பந்தன சிகிச்சை (Bandage)
மேலும் கேரளாவில் முறிவெண்ணெய் போன்ற எண்ணெய்களை இடுப்புப் பகுதியில் வைத்து பந்தனம் (கட்டுதல்) செய்கிறார்கள். மூன்று நாட்களுக்கு traction செய்து வருகிறார்கள்.
வஸ்தி சிகிச்சை
ஆசன வாய் வழியாக அபான வாயுவைச் சிகிச்சை செய்கிற ஆயுர்வேத எனிமாக்கள் எனப்படும் வஸ்தி முறையில், தான்வந்தரம் எண்ணெய் போன்றவற்றை வைத்து செய்வது உண்டு.குடலைச் சுத்தி செய்கிற மூலிகைத் தைலங்களால் ஆன கஷாய வஸ்திக்கு ஏரண்டமூலாதி நிரூஹம் என்று பெயர்.
உள்ளுக்குச் சாப்பிட
இடுப்பு வலிக்கு அபான வாயுவைக் கீழ்முகமாக இயக்குகிற ஆமணக்கு வேர் சேர்ந்த கந்தர்வஹஸ்தாதி கஷாயம், கருங்குறிஞ்சி வேர் சேர்ந்த சகசராதி கஷாயம், சிற்றரத்தை சேர்ந்த ராஸ்னசப்தகம் கஷாயம் போன்றவை சிறந்தவை. இதனுடைன் நவக குக்குலு, வெள்ளைப்பூண்டு லேகியம் போன்றவை சிகிச்சையைப் பொறுத்து வைத்தியர்கள் செய்து வருகிறார்கள்.
உணவு முறை
தவிர்க்க வேண்டியவை:
குளிர் உணவு / பானங்களைத் தவிர்க்கவும். குறிப்பாக ஐஸ் கிரீம், குளிர்பானங்கள். பழைய உணவுகள், முளைகட்டிய பீன்ஸ், வாழைப்பழம், சீதாப்பழம், வறுத்த உணவு, கடல் உணவு, தயிர், ஊறுகாய்.
இயற்கை வைத்திய முறை
இயற்கை வைத்திய முறையில், சுடுநீரில் இடுப்புவரை அமிழ்ந்து உட்காருவது வலியைக் குறைக்கும். தளுதாளி இலையுடன் பூண்டு, எள் எண்ணெய் (நல்லெண்ணெய்) சேர்த்துத் துவையல் செய்து சாப்பிட இடுப்பு வலி குணமாகும்.
சலபாசனம்
சலபாசனம் இதயத்தையும் ஜீரண உறுப்புகளையும் பலப்படுத்துகிறது. மேலும் முதுகுத் தண்டின் வளையும் தன்மையை அதிகரிக்கும்.
ஆயுர்வேதத்தில் 100 க்கு 98 சதவீதம் நல்ல பலன் கிடைத்து வருகிறது. அறுவை சிகிச்சை செய்ய வேண்டிவருவதில்லை. மூத்திரம் அடைபட்டுப் போனாலோ, கால் தொங்கிப் போனாலோதான் அறுவை சிகிச்சை செய்ய வேண்டும் ஓய்வெடுத்தல், பின்பு முறையான பயிற்சி செய்தல், அபான வாயுவைச் சீராக வைத்திருத்தல், அமரும் தன்மையைச் சற்று மாற்றிக்கொள்ளுதல், உணவுகளில் சிறிய மாற்றம் போன்றவை அவசியம். ஆயுர்வேதம் மூலம் இடுப்பு சவ்வு விலகுதல் நோயை 98 சதவீதம் குணப்படுத்தலாம்.
தகவல் உதவி; தி இந்து
வாசகர்கள் கருத்துகள்